Улады Тайваня ўпершыню афіцыйна папрасілі прабачэння ў карэнных жыхароў вострава
Прэзідэнт Тайваня Цай Інвэнь упершыню афіцыйна папрасіла прабачэння ў карэнных жыхароў вострава за тое, што іх прыгняталі цягам 400 гадоў з пачатку перасялення на востраў этнічных кітайцаў.
Карэнныя жыхары Тайваня, якіх таксама называюць гаошань, цяпер складаюць каля 2% насельніцтва вострава. Прадстаўнікі гэтых народаў не раз скардзіліся на страту старажытных зямель і немагчымасць прытрымлівацца традыцыйнага ладу жыцця.
Многія прадстаўнікі гэтых народаў гавораць на аўстранезійскіх мовах, хоць некаторыя часткова або цалкам перайшлі на кітайскую.
Цай сустрэлася з лідарамі 16 этнічных груп і зрабіла фота на памяць.
EPA
Падчас сустрэчы прайшла рытуальная цырымонія абмену падарункамі. Прадстаўнікі гаошань прыбылі ў традыцыйных строях са святочнымі галаўнымі ўборамі.
Акрамя таго, прэс-служба Цай абвясціла аб стварэнні спецыяльнай камісіі па справах карэнных народаў, якую ў першыя часы ўзначаліць сама прэзідэнт.
59-гадовая Цай Інвэнь афіцыйна ўступіла на пасаду кіраўніка адміністрацыі Тайваня ў маі.