У Мядзельскім раёне выратавалі кіроўцу трактара, які ўпаў ноччу ў сянажную яму
У вёсцы Брылі Мядзельскага раёна супрацоўнікі МНС выратавалі кіроўцу трактара, які зваліўся мінулай ноччу ў сянажную яму.
Як паведамляе прэс-служба МНС, паведамленне аб дарожна-транспартным здарэнні з удзелам трактара паступіла ў 1.52. Трактар падчас руху з'ехаў у сянажную яму і перакуліўся.
Работнікі МНС дэблакавалі кіроўцу і перадалі яго медыкам. Пацярпелы шпіталізаваны.