Бывай, Алімпіяда: IAAF пакінула ў сіле дыскваліфікацыю расійскіх лёгкаатлетаў
Міжнародная асацыяцыя лёгкаатлетычных федэрацый (IAAF) не зняла дыскваліфікацыю са Усерасійскай федэрацыі лёгкай атлетыкі (УФЛА).
Гэта рашэнне азначае фактычную забарону на ўдзел расійскіх лёгкаатлетаў у Алімпіядзе ў Рыа-дэ-Жанейра.
Пры гэтым, як піша ў твітары журналіст BBC Sport Дэн Роан, на наступным тыдні МАК прапануе кампраміс, па якім спартсмены, якія прадэманстравалі сваю недатычнасць да ўжывання допінгу, змогуць спаборнічаць у Рыа.
Раней МАК анансаваў, што правядзе нараду з нагоды допінгу, дзе падыме пытанне пра лёс «чыстых» атлетаў.