Барак Абама ў ліпені наведае Варшаву
Белы Дом пацвердзіў прыезд прэзідэнта ЗША Барака Абамы ў ліпені ў Польшчу. Кіраўнік ЗША возьме ўдзел у саміце НАТА, які адбудзецца ў Варшаве 8 і 9 ліпеня.
У польскай сталіцы прэзідэнт ЗША правядзе сустрэчу з прэзідэнтам Еўракамісіі Жанам-Клодам Юнкерам і прэзідэнтам Еўрапейскай рады Дональдам Тускам. Пра дэталі сустрэч не паведамляецца.
На афіцыйнай старонцы Еўрапейскай рады адзначаецца, што сустрэча павінна пацвердзіць трансатлантычнае адзінства, а таксама яна будзе магчымасцю пагаварыць пра актуальныя выклікі адносна бяспекі.