Рух транспарту часткова абмяжуюць з 5 па 10 чэрвеня на вул. Ціміразева ў Мінску
Рух усіх відаў транспартных сродкаў часткова абмяжуюць з 5 па 10 чэрвеня на ўчастку вул. Ціміразева каля МКАД, паведамілі ва УДАІ ГУУС Мінгарвыканкама.
Такія меры прымаюцца з-за работ па фрэзераванні праезнай часткі ў раёне скрыжавання вул. Ціміразева і МКАД.
Сталічная Дзяржаўтаінспекцыя рэкамендуе кіроўцам загадзя планаваць маршрут руху з улікам гэтых абставін.