Гендырэктар МЗС Вялікабрытаніі па палітычных пытаннях наведае Беларусь
Генеральны дырэктар МЗС Вялікабрытаніі па палітычных пытаннях Сайман Гас 9 лютага наведае Беларусь. Пра гэта паведаміў прэс-сакратар МЗС Беларусі Дзмітрый Мірончык 4 лютага на брыфінгу ў Мінску.
Паводле яго слоў, у рамках рабочага візіту запланавана сустрэча Гаса з міністрам замежных спраў Беларусі Уладзімірам Макеем.
У рамках візіту таксама пройдуць кансультацыі паміж міністэрствамі замежных спраў Беларусі і Вялікабрытаніі. Акрамя таго, Гас правядзе сустрэчы ў шэрагу іншых ведамстваў.