Эксклюзіўныя пісталеты, якія зробяць з метэарытнага металу, будуць прадавацца за $1 млн
Амерыканская кампанія Cabot Guns спецыялізуецца на вырабе зброі класа «люкс», якую часам апісваюць як «Rolls Royce сярод пісталетаў». Аднак гэтым разам фірма першай заявіла пра план зрабіць набор пісталетаў у стылі знакамітых Colt 1911 з металу касмічнага паходжання.
Кавалак метэарыту, з якога зробяць 2 пісталеты.
Раней у гэтым годзе кампанія набыла 35-кілаграмовы аскепак метэарыту Gibeon, які мае ўзрост каля 4,6 млрд год, а ўпаў на Зямлю каля 500 тыс. год таму. Метэарыт таксама мае рэдкую і вельмі прыгожую крысталічную структуру, дзякуючы чаму невялікія яго кавалкі выкарыстоўваліся ўжо ювелірамі, напрыклад, для ўпрыгожвання гадзіннікаў Rolex.
Аднойчы кампанія ўжо выкарыстоўвала метэарытны метал - з яго зробленыя накладкі на рукаятцы зброі.
Пісталеты не будуць толькі дарагім аксесуарам, і кампанія абяцае самыя высокія стандарты якасці не толькі эстэтыкі, але і функцыянальнасці. Пісталетамі кампаніі карыстаўся адзін з пераможцаў стралковых спаборніцтваў Нацыянальнай стралковай асацыяцыі ЗША.
Фірма паведаміла, што адзін калекцыянер пранаваў ёй за гэты набор $250.000 толькі калі пачуў пра канцэпт, аднак ацэньвае, што пара ўнікальных пісталетаў (для правай і левай рукі) можа каштаваць ад $500.000 да $1.000.000 і больш.