Найбліжэйшы дарадца Кім Чэн Ына загінуў у аўтакатастрофе
Адзін з найвышэйшых кіраўнікоў КНДР, член палітбюро ЦК і сакратар Працоўнай партыі Карэі Кім Ян Гон загінуў у аўтакатастрофе.
73-гадовы партыйны функцыянер адказваў за сувязі з Паўднёвай Карэяй.
У прыватнасці, ён удзельнічаў у урэгуляванні адносін дзвюх краін у жніўні, якія абвастрыліся пасля артылерыйскай перастрэлкі на мяжы.
Дзяржаўнае інфармацыйнае агенцтва называе яго «блізкім таварышам [Кім Чон Ына] і цвёрдым рэвалюцыянерам».
Дзяржаўную пахавальную камісію, як чакаецца, узначаліць сам паўночнакарэйскі лідар.