Некаторым тэрарыстам удалося ўцячы: у прыгарадзе Парыжа знойдзена іх аўто ФОТА
У нядзелю раніцай французская паліцыя знайшла другі аўтамабіль экстрэмістаў, якія здзейснілі напад ў Парыжы ў пятніцу вечарам.
Фота @RBaheux
Чорны Seat быў знойдзены ў парыжскім прыгарадзе Мантрой. Гэта дазваляе выказаць здагадку, што некаторым тэрарыстам удалося збегчы. Апісанне гэтага аўтамабіля даў раней адзін з відавочцаў нападу.
Бітае шкло вакол знойдзенага аўтамабіля. Фота @RBaheux
Французскія СМІ са спасылкай на крыніцы ў праваахоўных органах, паведамляюць, што ў аўтамабілі таксама знойдзеныя некалькі аўтаматаў Калашнікава, якія, верагодна, былі выкарыстаныя падчас нападу.
У суботу побач з канцэртнай заляй «Батаклан» быў знойдзены першы аўтамабіль — Volkswagen Polo, зарэгістраваны ў Бельгіі і ўзяты там напракат. Тры чалавекі арыштаваныя ў Бельгіі ў сувязі з тэрактам ў Парыжы.