Бежанец, якога збіла з ног венгерскі аператар, атрымаў працу
Сірыйскі футбольны трэнер, якому на мінулым тыдні паставіла падножку аператар на мяжы Венгрыі і Сербіі, атрымаў прапанову наконт працы.
Школа трэнераў па футболе CENAFE ў Мадрыдзе таксама дапаможа Асаме Абудул Махсену ўладкавацца ў Іспаніі разам з сям'ёй.
Махсен ужо прыбыў у Мадрыд з нямецкага Мюнхена.
Відэакадры, на якіх відаць, як аператар венгерскага тэлеканала N1TV падставіла падножку Махсену, які бег ад паліцыі з дзіцем на руках, выклікалі хвалю абурэння па ўсім свеце.
Пасля Петра Ласла, якая збіла з ног бежанца, прынесла прабачэнні. Тэлеканал N1TV назваў паводзіны супрацоўніцы непрымальнымі, пасля чаго яна была звольненая.