Спявак Тэа ажаніўся з Вольгай Рыжыкавай
Прадстаўнік Беларусі на Еўрабачанні-2014 Тэа (Юрый Вашчук) ажаніўся з вядучай Вольгай Рыжыкавай.
Вяселле адбылося на мінулых выходных ў мінскім гатэлі «Пекін».
фота са старонкі Юрыя Вашчука ў фэйсбуку
Юрый Вашчук нарадзіўся ў 1983 г. У 2000-м быў запрошаны на працу ў Нацыянальны канцэртны аркестр пад кіраўніцтвам М. Фінберга. Разам з Аксанай Вечар вядзе на Беларусь-3 праграму «Наперад у мінулае», дзе аўтары ездзяць па беларускіх рэгіёнах і запісваюць беларускі фальклор.
У 2014-м прадстаўляў Беларусь на «Еўрабачанні», дзе прайшоў у фінал і заняў 16-е месца.
Вольга Рыжыкава — вядучая, салістка гурту «Да Вінчы», былая сяброўка лідара гурту Дзяніса Дудзінскага.
У інтэрв'ю газеце «Антенна» маладыя сказалі, што хочуць мець траіх дзяцей.