Жыхар Нясвіжа выходзіў з аўто — і забіў дзвярыма веласіпедыста
Інцыдэнт адбыўся яшчэ 7 ліпеня, у 11.30, паблізу дома №21 па вуліцы Дзяржынскага.
39-гадовы мужчына, знаходзячыся ў прыпаркаванай каля краю праезнай часткі машыне «Пежо 406», не ўпэўніўся ў бяспецы сваіх дзеянняў і адчыніў дзверы з боку кіроўцы, у якія па неасцярожнасці урэзаўся 73-гадовы мужчына, які ехаў на ровары.
Пенсіянер пры падзенні атрымаў цяжкія траўмы і быў дастаўлены ў бальніцу, дзе 20 ліпеня памёр.
Заведзена крымінальная справа па арт. 144 ч. 1 КК Рэспублікі Беларусь (Прычыненне смерці па неасцярожнасці).