У Мінску 30 мая і 12 чэрвеня будзе абмежаваны продаж алкаголю
У Мінску 30 мая і 12 чэрвеня будзе абмежаваны продаж алкаголю. Пра гэта гаворыцца ў рашэнні Мінскага гарадскога выканаўчага камітэта, апублікаваным сёння на Нацыянальным прававым партале.
Продаж алкагольных напояў будзе абмежаваны з-за «Апошняга званка» і правядзення выпускных вечароў ва ўстановах агульнай сярэдняй адукацыі Мінска. Выключэннем будзе раздробны гандаль на аб'ектах грамадскага харчавання ў разліў.
Згодна з рашэннем Мінгарвыканкама, абмежаванне будзе дзейнічаць з 00.00 да 24.00 30 мая і 00.00 да 24.00 12 чэрвеня.