Мусульманскі святар назваў сэлфі грахом
Мусульманскі святар абвясціў сэлфі грахом, заявіўшы, што гэта прыкмета ганарыстасці і фанабэрыстасці.
Reuters
Папулярны інданезійскі клірык Фелікс Сіаў апублікаваў у сваім твітэры серыю запісаў, у якіх тлумачыцца, чаму варта пазбягаць сэлфі. Асабліва ён асудзіў фатаграфіі, якія робяць мусульманскія жанчыны, назваўшы іх «нячыстымі».
Паводле яго слоў, аўтары сэлфі маюць патрэбу ў сацыяльным прызнанні, і фатаграфіі дапамагаюць ім адчуваць сябе лепш за іншых. «Мы сталі ахвярамі найгоршага граху — высакамернасці», — сказаў ён.
У адказ на яго заяву сотні карыстальнікаў сацсетак выклалі сэлфі з хэштэгам #Selfie4Siauw.