Ад палеаліту да Інтэрнэту
Упершыню ў беларускім мастацтвазнаўстве прадстаўлена гісторыя мастацкай фатаграфіі, клясыфікаваныя архітэктура і мастацтва Заходняй Беларусі і эміграцыі. Сяргей Харэўскі выдаў свой падручнік «Гiсторыя мастацтва i дойлiдзтва Беларусi».
Падручнік уяўляе сабой панараму разьвіцьця мастацтва і дойлідзтва Беларусі ад старажытнасьці да канца ХХ ст.
Гэтая праца збольшага кампілятыўная. Аўтар прапануе oласную арыгінальную клясыфікацыю беларускай мастацкай культуры, уводзіць новыя тэрміны, вяртае забытыя і некалі забароненыя імёны творцаў. Вялікая ўвага прысьвечана мiжкультурным повязям беларусаў зь іншымі нацыянальнымі культурамі, уплыву творцаў з Беларусі на сусьветную мастацкую культуру.
Упершыню ў беларускім мастацтвазнаўстве прадстаўлена гісторыя мастацкай фатаграфіі, клясыфікаваныя архітэктура і мастацтва Заходняй Беларусі і эміграцыі. Высновы аўтара грунтуюцца на асабістым вывучэньні шырокага кола помнікаў.
Прапануецца студэнтам унiвэрсытэтаў, а таксама ўсім, хто цікавіцца мастацкай культурай Беларусі