Прэзідэнтам Уругвая абраны доктар-анколаг, які ўжо кіраваў краінай
Доктар-анколаг, 74-гадовы Табара Васкес вяртаецца да ўлады ва Уругваі пасля 5-гадовага перапынку.
Менавіта ён у 2004 годзе забяспечыў гістарычную перамогу кіруючай левай кааліцыі «Шырокі фронт», якой удалося выціснуць традыцыйныя правыя палітычныя сілы краіны — партыю «Каларада» і Нацыянальную партыю (Бланка).
Згодна з афіцыйнымі вынікамі, пасля апрацоўкі 97,6% бюлетэняў кандыдат ад левых сілаў Васкес у нядзелю атрымаў перамогу ў другім туры прэзідэнцкіх выбараў, набраўшы 53,4% галасоў. Яго сапернік — вылучэнец ад правай Нацыянальнай партыі, сын былога кіраўніка дзяржавы 41-гадовы Луіс Лакалье Поў заручаецца падтрымкай 41,3% электарату.
Згодна з канстытуцыяй, на пасадзе прэзідэнта нельга знаходзіцца два тэрміны запар, таму «самы бедны прэзідэнт» Хасэ Мухіка сыходзіць у адстаўку.