Кіроўца без правоў у Гомелі збіў на тратуары дзвюх дзяўчын, адна памерла ў шпіталі
Кіроўца (21 год) без правоў у Гомелі збіў на тратуары дзвюх дзяўчын, адна з якіх памерла ў шпіталі.
ДТЗ адбылося 26 жніўня. На скрыжаванні кіроўца аўтамабіля «Мазда-Кседакс 6» няправільна выбраў хуткасць руху, не ўлічыў умовы дарогі і надвор'я, у выніку чаго не справіўся з кіраваннем, выехаў на правы па ходзе руху тратуар, дзе здзейсніў наезд на рэкламны шчыт і двух пешаходаў — 21-летніх гамяльчанак, якія з траўмамі былі дастаўлены ў шпіталь. Раніцай 27 жніўня адна з іх памерла.
Па факце ДТЗ праводзіцца праверка, прызначаныя неабходныя медыцынскія і крыміналагічныя экспертызы, паведамляе УДАІ УУС Гомельскага аблвыканкама.