Гамяльчанін спрабаваў нелегальна вывезці ва Украіну пяцярых сірыйцаў
Мужчыну затрымалі 8 жніўня ў населеным пункце Глушкевічы Лельчыцкага раёна.
У ходзе правядзення планавых мерапрыемстваў па выкананні рэжыму ў прыграніччы памежнікі затрымалі мужчыну. Ён на аўтамабілі Mercedes па-за пунктамі пропуску спрабаваў незаконна вывезці з Беларусі ва Украіну пяцярых грамадзян Сірыі, паведамляе прэс-служба Памежнага камітэта РБ.
Высветлілася, што замежнікі прыбылі ў краіну з Масквы.
Па факце затрымання аддзелам дазнання Гомельскай памежнай групы заведзена крымінальная справа. Затрыманыя асобы змешчаны ў ІЧУ Гомельскага аблвыканкама. Праводзяцца праверачныя мерапрыемствы.