Лукашэнка паабяцаў Парашэнку пастаўку нафтапрадуктаў
Фота President.gov.by.
4 жніўня адбылася тэлефонная размова Аляксандра Лукашэнкі з прэзідэнтам Украіны Пятром Парашэнкам. Аб гэтым паведамілі ў прэс-службе беларускага лідара.
Кіраўнікі дзяржаў абмеркавалі гандлёвыя адносіны паміж краінамі, іншыя актуальныя пытанні двухбаковага супрацоўніцтва, а таксама ўзаемадзеянне ў рамках Мытнага саюза.
Асаблівую ўвагу прэзідэнты ўдзялілі тэме паставак нафтапрадуктаў з Беларусі ва Украіну.
Аляксандр Лукашэнка падкрэсліў, што Беларусь разумее вастрыню гэтага пытання з улікам уборачнай кампаніі і таму, нягледзячы на ўнутраныя патрэбнасці, акажа садзейнічанне Украіне ў забеспячэнні яе эканомікі нафтапрадуктамі.