Ваенны самалёт РФ збіў украінскі СУ-25
Расійскі ваенны самалёт у сераду нанёс удар па ўкраінскім самалёце СУ-25.
Пра гэта заявіў прадстаўнік РНБА Андрэй Лысенка.
«16 ліпеня каля 19 гадзін з боку Расіі ажыццёўлена чарговая правакацыя. Ваенны самалёт Расійскай Федэрацыі нанёс ракетны ўдар па самалёце СУ-25 узброеных сілаў, які выконваў задачу на тэрыторыі Украіны», — заявіў ён.
«Наш самалёт быў збіты, лётчык катапультаваўся і быў эвакуіраваны ў бяспечнае месца падраздзелаў. Лётчык цэлы, раненняў не мае», — дадаў Лысенка.
Ён дадаў, што ацэнка дзеянням Расіі «будзе дадзена ў бліжэйшы час».