Адзін з кіраўнікоў ДНР: Пуцін нас абнадзеіў і кінуў
Так званы старшыня «Вярхоўнай Рады» самаабвешчанай «Данецкай народнай рэспублікі» Дзяніс Пушылін выбачыўся перад жыхарамі Славянска.
Пра гэта ён напісаў у сваім твітэры. «Што сказаць. Нас абнадзеілі. Абнадзеілі і кінулі. Прыгожыя былі словы Пуціна аб абароне рускага народа, абароне Наваросіі. Але толькі словы», — шкадуе Пушылін.
Акрамя таго, ён перапрасіў жыхароў Славянска.
«Выбачайце, жыхары Славянска, што не змаглі вас абараніць … Мы змагаліся усімі сіламі. Прабачце, калі зможаце дараваць…».
«Славянск здалі…», — прызнаў сепаратыст.