Кіраўнік ДНР звярнуўся па дапамогу да Пуціна
Аказаць любую дапамогу самаабвешчанай Данецкай народнай рэспублікі заклікаў прэзідэнта Расійскай Федэрацыі Уладзіміра Пуціна і рускі народ адзін з кіраўнікоў ДНР Дзяніс Пушылін.
З такім зваротам выступіў сёння ўвечары на канале «ДНР».
«… Я вымушаны звярнуцца асабіста да Уладзіміра Пуціна і ўсяго рускага народа аказаць любую пасільную дапамогу…», — сказаў Пушылін, адзначыўшы, што сёння ў Данецку ўжывалася ваенная авіяцыя, якая разбурае інфраструктуру Данбаса.