Яцанюк просіць тэрмінова склікаць пасяджэнне Рады бяспекі ААН
Украінская ўлада заклікае тэрмінова склікаць пасяджэнне Рады бяспекі ААН з прычыны сітуацыі ў дзяржаве.
Пра гэта прэм'ер-міністр Украіны Арсеній Яцанюк заявіў падчас наведвання вайсковай часткі недалёка ад Кіева.
«Мы звяртаемся да нашых партнёраў ў Радзе Бяспекі ААН тэрмінова склікаць пасяджэнне Рады. Мы прадставім доказы таго, што менавіта з расійскага боку ажыццяўляюцца спробы эскалацыі канфлікту, кровапраліцця, захоп украінскіх пагранічных застаў, беспаспяховых захопаў і зрыву прэзідэнцкіх выбараў», — адзначыў прэм'ер-міністр.
Ён нагадаў, што сёння ноччу тэрарысты з Расіі здзейснілі ўжо чацвёртую спробу прарыву праз дзяржаўную мяжу Украіны.