Суд прызнаў Навальнага вінаватым у паклёпе на дэпутата Лісавенку
Суд прызнаў расійскага апазіцыянера Аляксея Навальнага вінаватым у паклёпе на муніцыпальнага дэпутата Аляксея Лісавенку.
Міравы судовы ўчастак Бабушкінскага раёна прызначыў пакаранне ў выглядзе штрафу ў 300 тыс. расійскіх рублёў.
Раней дэпутат «Адзінай Расіі» і кіраўнік муніцыпальнага сходу Бабушкінскага раёна Масквы Аляксей Лісавенка напісаў заяву ў паліцыю з просьбай прыцягнуць Навальнага да адказнасці за запіс ў твітары апазіцыянера ад 5 сакавіка.
Запіс быў прысвечаны прапанове Лісавенкі забараніць на тэрыторыі Расіі замежныя сацыяльныя сеткі.