У Мінску затрымалі камерунскую футбалістку і паэтку з Гвінеі
Падчас мерапрыемстваў міграцыйнага кантролю аператыўныя супрацоўнікі атрада памежнага кантролю «Мінск» 14 красавіка па адным са сталічных адрасоў за парушэнне правілаў знаходжання на тэрыторыі Беларусі затрымалі грамадзянак Камеруна 1996 года нараджэння і Гвінеі 1979 года нараджэння.
У абедзвюх жыхарак Афрыкі былі пратэрмінаваныя рэгістрацыя і візы. Адна з іх растлумачыла, што на прафесійным узроўні гуляе ў футбол, другая зарабляе на жыццё паэзіяй.
Для далейшага разбору затрыманыя перададзеныя ў аддзел па грамадзянстве і міграцыі Цэнтральнага раёна Мінска.