Расія хоча, каб Нікалаеў, Адэса і Херсон увайшлі ў склад Крыму
Прадстаўнікі самаабвешчанага ўрада Крыму заяўляюць, што ў гэтых рэгіёнах неабходнае правядзенне «рэферэндуму».
У прыватнасці, пра гэта ў інтэрв'ю РІА «Навіны» сказаў «віцэ-спікер Вярхоўнай рады» паўвострава Сяргей Цэкаў.
«…Звяртаюцца і прадстаўнікі органаў мясцовай улады. Яны лічаць, што трэба было б быць разам з Крымам Нікалаеву, Херсону, Адэсе», — сказаў ён.
Адзначым, што ўчора прарасійскія баевікі спрабавалі захапіць адміністрацыю ў Адэсе. Тры сотні чалавек з расійскімі сцягамі штурмавалі аблсавет: білі вокны і распылялі слезацечны газ. Усярэдзіне ў той час праходзіла пазачарговая сесія аблсавета. Дэпутаты заявілі пра тое, што вобласць — неад'емная частка Украіны, а спроба штурму пацярпела паразу.