Прагноз надвор'я на 27 лютага
У бліжэйшыя суткі, 27 лютага, у Беларусі чакаецца воблачнае з праясненнямі надвор'е.
Будзе пераважна без ападкаў, толькі ноччу месцамі па захадзе пройдуць невялікія ападкі, у асноўным мокры снег. Ноччу і раніцай у асобных раёнах чакаецца слабы туман, на дарогах галалёдзіца. Вецер паўднёва-ўсходні 3—8 м/c.
Тэмпература паветра ўначы складзе ад нуля да мінус 5 градусаў, па ўсходзе будзе да 7 градусаў марозу, днём — плюс 1—7 градусаў.