Сёння хаваюць Віктара Івашкевіча, развітанне на Альшэўскага
Палітыка Віктара Івашкевіча пахаваюць 5 кастрычніка (субота) на Паўночных могілках.
Паніхіда па нябожчыку распачнецца аб 11-й гадзіне ў рытуальнай зале на Альшэўскага, 12. Тамсама ад 12.00 да 14.00 адбудзецца развітанне. А 14.00 труна з целам выправіцца ў апошнюю дарогу на клады.
Пра гэта «Нашай Ніве» паведаміў сябар нябожчыка, ягоны паплечнік па «Талацэ» Алесь Суша.
Віктар Івашкевіч памёр у чацвер. 3 кастрычніка. Ён цяжка хварэў, чакаў перашчэпу пячонкі, але донара так і не знайшлі.