У Глуску знойдзены целы зніклай жанчыны і яе трохмесячнай дачкі
Маладая жанчына і яе трохмесячная дачка, якія зніклі ў гарадскім пасёлку Глуск Магілёўскай вобласці, знойдзеныя забітымі. Аб гэтым паведамілі ў дзяжурнай частцы Глускага РАУС.
Паводле інфармацыі работнікаў дзяжурнай часткі, міліцыя знайшла целы забітых жанчыны і яе дачкі 13 верасня. Па падазрэнні ў здзяйсненні гэтага забойства затрыманы сужыцель жанчыны, адпрацоўваецца яго датычнасць да здзяйснення злачынства.
Раней паведамлялася, што 7 верасня каля 20.00 30-гадовая Таццяна Пою сышла са свайго дома па вуліцы Лугавой, 31 разам з дачкой Алінай Аляксандраўнай і знікла.