На МКАД загінуў матацыкліст, які ехаў 200 км/г
Як паведамілі ва ўпраўленні ДАІ ГУУС Мінгарвыканкама, аварыя адбылася ў 22.10 на знешнім кальцы МКАД. 26-гадовы вадзіцель матацыкла Suzuki R-600 без рэгістрацыйных нумароў (зняты з уліку ў ліпені гэтага года), рухаючыся з боку вуліцы Казінца ў напрамку вуліцы Кіжаватава, на 22-м км дарогі пры перастраенні сутыкнуўся з аўтамабілем Seat Toledo, які ехаў наперадзе ў спадарожным напрамку . Ад удару матацыкл вылецеў на паласу сустрэчнага руху, матацыкліст — на турнікетную агароджу, якая падзяляе сустрэчныя транспартныя патокі. Ад атрыманых траўм матацыкліст памёр на месцы.
Паводле слоў відавочцаў, вадзіцель матацыкла ехаў па МКАД з хуткасцю каля 200 км/гадз і шматкроць парушаў правілы манеўравання на праезнай частцы. Вадзіцельскага пасведчання катэгорыі А ў маладога чалавека не было.