У Беларусь на гэтым тыдні прыйдзе лета: 9 мая ў Мінску да плюс 25°С
Ад панядзелка ў нашай краіне канчаткова ўсталюецца яснае надвор'е, а тэмпература пачне паступова павышацца, паведамляе сайт pogoda.by.
У сераду, 8 мая, у Мінску будзе +20—22°С, 9 мая — 23—23°С, а ў пятніцу, 10 мая, — фантастычныя 26°С градусаў цяпла.
У Брэсце + 25°С будзе ўжо ў сераду, а 10 мая — 25—27°С.
Такая ж тэмпература будзе ў Гомелі, а ў Віцебску ўсяго на градус ніжэй: 9 мая — 22—24°С, а 10 мая — 24—26°С.