Навагодні зварот палітвязня Аліневіча: Сіла ў адзінстве!
Ігар даслаў з-за кратаў навагодняе віншаванне.
«Хачу пажадаць нявольнікам у надыходзячым годзе насуперак абставінам бачыць светлае і знаходзіць карыснае ў сваім становішчы.
Яшчэ пажадаю родным і блізкім зняволенных больш узаемаразумення паміж сабой. Сіла — у адзінстве пачуццяў».
Ігар Аліневіч адбывае пакаранне ў калоніі ў Наваполацку. Павіншаваць яго са святамі можна лістом альбо тэлеграмай:
Аліневіч Ігар Уладзіміравіч. 211440, Віцебская вобл., г. Наваполацк, вул. Тэхнічная, 8, ПК № 10.