Лукашэнка ўзнагародзіў Дарафееву і Афанасьеву
Яны сталі заслужанымі артысткамі Беларусі.
Артыстцы-вакалістцы вышэйшай катэгорыі Маладзёжнага тэатру эстрады Іне Афанасьевай і вядучаму майстру сцэны Тэатру песьні І.Дарафеевай Ірыне Дарафеевай прысвоены званьні "Заслужаны артыст Рэспублікі Беларусь".
Апошні год Дарафеева і Афанасьева нястомна ўдзельнічалі ў канцэртах “За Беларусь”. Разам з агітбрыгадамі артыстаў яны аб’яжджаюць горад за горадам.
Узнагароды знайшлі і яшчэ некалькі творцаў. Мэдалём Скарыны ўзнагароджаны артысты Купалаўскага тэатру Вячаслаў Паўлюць і Тэатру беларускай драматургіі Ігар Сігаў.
А мастаку Мікалаю Кузьмічу нададзена званьне "Заслужаны дзеяч мастацтваў ".
Фота photo.bymedia.net