По-белорусски вышел первый том саги о Ведьмаке Анджея Сапковского
У канцы кастрычніка ў выдавецтве «Янушкевіч» выйшаў доўгачаканы першы том сагі пра Геральта з Рывіі — сусветнавядомай сагі «Вядзьмар» Анджэя Сапкоўскага. Доўгачаканы, таму што краўдфандынгавая кампанія для тых, хто хацеў атрымаць кнігу трохі раней, чым яна з'явіцца ў кнігарнях, скончылася датэрмінова.
Лімітаваная колькасць асобнікаў (200 адзінак) была замоўлена менш чым за месяц, а сам краўдфандынг сабраў 508% ад запланаванай сумы.
Для тых, хто не паспеў купіць па перадзамоўнай цане, зараз на сайце выдавецтва можна набыць кнігу з 4% зніжкай.
Гэта першае ліцэнзійнае выданне польскага пісьменніка, выданне зроблена вельмі якасна, у цвёрдай вокладцы, надрукавана ў Літве. У планах выдавецтва выпускаць па 1—2 кнігі сагі за год, наступны том выйдзе у другой палове 2020 года.
Комментарии