№ 40 (197), 2 — 9 kastryčnika 2000 h.
Račkaŭskas daŭ zadni chod
Pasoł Harkun sprabuje adstajać biełaruskija klasy Visahinasa
U miastečku Visahinas, što pry Ihnalinskaj AES, la samaje biełaruskaje miažy, žyvuć tysiačy biełarusaŭ. Da niadaŭniaha času tut dziejali 4 biełaruskamoŭnyja klasy ŭ Visahinskaj siaredniaj škole “Atejcies”. Ale zaraz im pahražaje zakryćcio. Rasparadžeńniem mera horadu, liberała Vitaŭtasa Račkaŭskasa, ad 15 vieraśnia biełaruskaje školnictva tut musić być źlikvidavana.
U adkaz na heta biełarusy Litvy pahražajuć pikietami. Zhurtavańnie biełaruskich hramadzkich arhanizacyjaŭ u Litvie raspaŭsiudziła ŭ ŚMI zajavu za podpisam prezydenta Zhurtavańnia, sp.Lavona Muraški, u jakoj vykazany rašučy pratest. U zajavie havorycca, što biełarusy, składajučy značnuju častku žycharoŭ Visahinasa, nia mohuć pahadzicca z rašeńniem mera Račkaŭskasa.
U minułuju sieradu, 27 vieraśnia, z hetaj nahody pamiežny horad naviedaŭ ambasadar Biełarusi ŭ Litvie Uładzimier Harkun. Padčas sustrečy z meram Visahinasa była dasiahnutaja damoŭlenaść pra adklikańnie jahonaha rasparadžeńnia. Sp.Račkaŭskas zapeŭniŭ Harkuna, što na nastupnuju ranicu, da 10-j hadziny, jon viernie ŭsio nazad.
Adnak nastupnaje ranicy mer, sklikaŭšy Radu samakiravańnia, pryniaŭ nastupnaje rašeńnie: 1-ju i 3-ju klasy abjadnać, 5-ju pakinuć, a 7-uju złučyć z rasiejskaj klasaju. Heta nijak nie adpaviadaje žadańniam biełaruskaje hramady, uciskaje pravy dziaciej i ichnych baćkoŭ. U źviazku z čym pry kancy hetaha tydnia, napiaredadni vybaraŭ u Sojm Litvy, biełarusy planujuć razharnuć akcyi pratestu.
Kropku tut stavić rana. Biełarusy zmohuć adyhracca ŭ palityčna napružany dla Litvy momant i jašče hučniej nahadać pra svajo isnavańnie ŭ krai.
Hienrych Ramaškievič, Vilnia
Kamientary