Pryrost VUP u 2013 hodzie płanujecca na ŭzroŭni 8,5, ekspartu — 15,2%
Pra heta ŭ spravazdačy Łukašenku paviedamiŭ Miaśnikovič.
Pa słovach Miaśnikoviča, jakija pryvodzić pres-słužba Łukašenki, u cełym dla ekanomiki prapanujucca niaprostyja pakazčyki. Pry hetym upor robicca na inavacyjnuju nakiravanaść, pašyreńnie tavarnaj namienkłatury, dla čaho buduć stvaracca sučasnyja vytvorčaści. U cełym urad aceńvaje abjom inviestycyj nastupnaha hoda ŭ 20 młrd. dalaraŭ. Ź biudžetu vydzialajecca 2 trłn. rubloŭ «na pryncypova novyja prajekty inavacyjnaj nakiravanaści, tak zvany inavacyjny fond». Akramia taho, va ŭradzie damovilisia ab kancentracyi častki čystaha prybytku, jaki zastajecca ŭ rasparadžeńni dziaržaŭnych pradpryjemstvaŭ, na pryjarytetnyja prajekty, «jakija buduć vyznačać tvar biełaruskaj ekanomiki».
Łukašenka «padtrymaŭ asnoŭnyja padychody ŭrada». U bližejšy čas budzie praviedziena narada «pa razhladzie chodu vykanańnia prahnozu biahučaha hoda i ŭstanaŭleńnia zadač na 2013 hod».
U bližejšy čas da biełaruskich dypmisij buduć daviedzieny metavyja zadańni pa abjomach ekspartu i pramych zamiežnych inviestycyjach. U siaredzinie nastupnaha hoda kiraŭniki dypmisij zdaduć spravazdaču ab vykanańni pastaŭlenych zadač.
Łukašenka adznačyŭ, što pytańni sacyjalna-ekanamičnaha płanu buduć abmierkavany pry razhladzie asnoŭnych kirunkaŭ raźvićcia i biudžetu na budučy hod. Jon nahadaŭ, što hetyja asnoŭnyja dakumienty, jakija vyznačajuć raźvićcio krainy, pavinny być hatovyja da kanca miesiaca, kab zabiaśpiečyć ich pryniaćcie da abrańnia novaha parłamienta.
Kamientary