Urad vyznačyŭsia ź pieranosam pracoŭnych dzion u nastupnym hodzie
Urad vyrašyŭ, jak biełarusy buduć adpačyvać u nastupnym hodzie, paviedamlaje Ministerstva pracy i sacyjalnaj abarony.
Jak pisała «Naša Niva», u 2026 hodzie nas čakaje značna mieniej pieranosaŭ.
Vialikija vychodnyja buduć u pačatku hoda. 1 i 2 studzienia prypadajuć na čaćvier i piatnicu. Tamu tut budzie čatyry zapar vychodnyja: 1—4 studzienia.
Pravasłaŭnaje Rastvo ŭ 2026 hodzie budzie ŭ sieradu, tamu heta budzie adziny vychodny pasiarod tydnia. 8 sakavika budzie ŭ niadzielu.
Zhodna z pastanovaj urada, pracoŭny dzień 20 krasavika (paniadziełak pierad Radaŭnicaj) pieranosicca na subotu, 25 krasavika.
Takim čynam, u krasaviku 2026 hoda biełarusy atrymajuć čatyry vychodnyja zapar: 18 krasavika (subota), 19 krasavika (niadziela), 20 krasavika (pieranos), 21 krasavika (Radaŭnica, aficyjny vychodny).
Idziem dalej. 1 maja — subota, 9 maja — niadziela, tamu tut bieź pieranosaŭ.
3 lipienia — piatnica, značyć budzie try vychodnyja: 3-5 lipienia.
7 listapada — subota, 25 śniežnia — piatnica, tamu budzie try vychodnyja.
Kaśpiaroviča pierad hibiellu dapytvali ŭ polskaj kontrraźviedcy — raspytvali pra vizy dla ahientaŭ AAC z pašpartami prykryćcia i pra Bulbu27
Kamientary