Izrail i Siryja damovilisia ab spynieńni ahniu paśla taho, jak u sutyknieńniach pamiž bieduinami i druzami na poŭdni Siryi zahinuli bolš za 300 čałaviek. Pra heta na svajoj staroncy ŭ X paviedamiŭ pasoł ZŠA ŭ Turcyi i śpiecyjalny pradstaŭnik pa Siryi Tom Barak.
Damahčysia damoŭlenaści ab spynieńni ahniu ŭdałosia pry padtrymcy ZŠA, Turcyi, Iardanii i susiednich krain, udakładniŭ dypłamat, piša Bi-bi-si.
«My zaklikajem druzaŭ, bieduinaŭ i sunitaŭ skłaści zbroju i razam ź inšymi mienšaściami pabudavać novuju, adzinuju siryjskuju identyčnaść. My zaklikajem usich siryjcaŭ pavažać adzin adnaho i žyć u śviecie i roskvicie sa svaimi susiedziami», — napisaŭ Tom Barak.
U svaju čarhu, prezident Siryi Achmied aš‑Šaraa paćvierdziŭ spynieńnie ahniu. U subotnim televystupie jon zajaviŭ, što pieramirje ŭvodzicca dla taho, «kab źbierahčy siryjskuju kroŭ, zachavać adzinstva siryjskaj terytoryi i biaśpieku jaje naroda». Aš‑Šaraa paviedamiŭ, što «atrymaŭ mižnarodnyja zakliki ŭmiašacca ŭ toje, što adbyvajecca ŭ Suviejdzie, i adnavić biaśpieku ŭ krainie».
Jon abvinavaciŭ Izrail u tym, što jaho armija «znoŭ abvastryła napružanaść» u rehijonie i padziakavaŭ ZŠA za padtrymku. Aficyjnaj reakcyi z boku Izraila pakul nie było.
U sieradu Izrail nanios avijaŭdary pa Damasku i ŭradavaj armii na poŭdni Siryi, patrabujučy ad Damaska advieści vojski z pravincyi Suviejda, dzie pražyvajuć pieravažna druzy. Izrail śćviardžaje, što imkniecca abaranić siryjskich druzaŭ — arabamoŭnuju etnarelihijnuju mienšaść, jakaja taksama pražyvaje ŭ Livanie i Izraili.
Siryjskaja pravincyja Suviejda ŭžo amal tydzień achoplena hvałtam, vyklikanym sutyknieńniami pamiž bieduinami i ŭradavaj armijaj — z adnaho boku, i druzami — z druhoha. Da kanfliktu padklučyŭsia i Izrail, nanosiačy ŭdary nie tolki pa rajonach kala horada Suviejda, ale i pa stalicy krainy — Damasku.
Pavodle danych Siryjskaha centra manitorynhu pravoŭ čałavieka (SOHR), z pačatku kanfliktu ŭ Suviejdzie zahinuli bolš za 370 čałaviek. Hetaja ličba ŭklučaje achviar uzbrojenych sutyknieńniaŭ, abmienu artyleryjskimi ŭdarami, pazasudovych pakarańniaŭ i izrailskich avijaŭdaraŭ pa roznych rajonach Siryi.
Siarod achviar — miedyki, žančyny i dzieci. Ministr pa nadzvyčajnych situacyjach Siryi paviedamiŭ pra bolš za 500 paranienych, što źviarnulisia pa miedycynskuju dapamohu.
Ciapier čytajuć
«A zmožacie vylecieć zaŭtra?» Džon Koŭł raskazaŭ, jak piŭ z Łukašenkam harełku, kab damovicca pra vyzvaleńnie palitviaźniaŭ2
Kamientary
Tel Aviv z Vašynhtona taksama papiaredzili ..
Čas ad času ci dźla bałansa naviny kali ni z ińšaha boku dyk ź niejtralnych krynic patrebna taksama drukavać , ekśpiertaŭ analicikaŭ taksama
Jak u Haazie " paŭstańnie suprać chamas" Nasamreč Tel Aviŭ padtrymał złačynnuju hruppoŭku kantrabandystaŭ narkahandlaroŭ ..