Vypadak u Chojnikach. Mužčyna zavitaŭ da siabra, a toj miortvy. A na nastupny dzień pamior i sam
U lutym u Chojnikach adbyŭsia niaščasny vypadak — ad atručvańnia mietyłavym śpirtam pamierli dvoje mužčyn, paviedamlaje Dziaržaŭny kamitet sudovych ekśpiertyz.
Pieršy mužčyna byŭ znojdzieny miortvym u svajoj kvatery. Jaho cieła vyjaviŭ znajomy, jaki pryjšoŭ u hości. Ubačyŭšy miortvaha siabra, jon vyklikaŭ chutkuju dapamohu.
Adnak, pakidajučy kvateru, hość zabraŭ z saboj niedapituju butelku sa stała. Jana ž i stała pryčynaj jaho śmierci ŭžo na nastupny dzień.
Ekśpiertyza pakazała, što ŭ butelcy źmiaščaŭsia mietanoł — nadzvyčaj taksičnaje rečyva. U kryvi pieršaha zahinułaha kancentracyja mietanołu skłała 4409 mkh/mł, u druhoha — 6143 mkh/mł, tady jak śmiarotnaja doza pačynajecca z uzroŭniu 900 mkh/mł.
***
Mietanoł (mietyłavy śpirt, draŭniany śpirt, karbinoł, mietyłhidrat, hidraksid mietyłu) — biaskolernaja vadkaść z rezkavata-śpirtavym pacham, padobnym na pach etanołu. Kab praduchilić vypadkovyja atručvańni, mietanoł nieabchodna zachoŭvać u zakrytych pamiaškańniach. Da pracy z hetym rečyvam dapuskajucca tolki asoby, jakija nie pakutujuć na chraničny ałkahalizm.
Kamientary