Biełaruska ŭ Maskvie sprabavała pradać dvuchtydniovaje dzicia za $1000
Dziaŭčyna pryjechała ŭ rasijskuju stalicu śpiecyjalna, kab pradać novanarodžanuju dačku.
Žaśminie Aleksandrovič 20 hadoŭ. Jana zahadzia damoviłasia ab prodažy svajoj novanarodžanaj dački Nasty i pryjechała ŭ Maskvu, kab pieradać dzicia.
Ździełka pavinna była adbycca ŭ kvatery na 3-j Parkavaj vulicy na ŭschodzie rasijskaj stalicy. Ale ŭ roli pakupnikoŭ vystupili siłaviki, piša 112.
Jany zahadzia damovilisia z Žaśminaj i ŭziali jaje z dokazam. Za maleńkuju Nastu, jakaja naradziłasia tolki 1 lutaha, žančyna chacieła kala 90 tysiač rasijskich rubloŭ — heta prykładna 1000 dalaraŭ.
Dziaŭčynaj ciapier zajmajucca ŭ rasijskim Śledčym kamitecie, vyrašajecca pytańnie ab zaviadzieńni kryminalnaj spravy pa artykule ab handli ludźmi. Dzicia pakul znachodzicca na apiecy prakuratury.
Kamientary