U hruzinskim parłamiencie nie nabrali hałasoŭ dla impičmientu prezidentu
Parłamient Hruzii nie zmoh adpravić u adstaŭku prezidentku krainy Sałame Zurabišvili: patrebnaj kolkaści hałasoŭ nie nabrałasia, piša News Georgia.
Praceduru impičmientu prezidentu Hruzii Sałame Zurabišvili zapuściła kiroŭnaja partyja «Hruzinskaja mara», jakaja maje 84 miescy ŭ parłamiencie krainy. Adnak joj, jak raniej i pradkazvałasia, nie chapiła hałasoŭ: za adstaŭku Zurabišvili prahałasavali tolki 86 deputataŭ sa 100 nieabchodnych.
Suprać impičmientu prahałasavaŭ tolki adzin čałaviek, ale heta tamu, što apazicyja ŭ zale pasiadžeńniaŭ padčas hałasavańnia nie prysutničała.
Takim čynam, kiraŭnica dziaržavy zastajecca na svajoj pasadzie, choć sud pryznaŭ parušeńnie joju Asnoŭnaha Zakona krainy, kali adpraviłasia ŭ zamiežnyja vizity biez dazvołu ŭrada.
U «Hruzinskaj mary» ličyli, što pajezdki Zurabišvili parušali 52-i artykuł Kanstytucyi Hruzii, pavodle jakoha prezident viadzie pieramovy i vykonvaje pradstaŭničyja paŭnamoctvy ŭ zamiežnapalityčnych adnosinach sa zhody kabinieta.
Metaj vizitaŭ u jeŭrapiejskija krainy i sustreč ź jeŭrapiejskimi lidarami Zurabišvili nazyvała jeŭrapiejskuju intehracyju Hruzii i atrymańnie Hruzijaj statusu kandydata ŭ ES. Zajavy jeŭrapiejskich lidaraŭ, ź jakimi sustrakałasia prezidentka, heta paćviardžajuć.
Ale ŭ kiroŭnaj partyi kazali pra advarotnaje. «Hruzinskaja mara» abvinavačvała prezidenta ŭ sabatažy nacyjanalnych intaresaŭ krainy i pieraškodzie atrymańniu statusu kandydata ŭ ES, jaki Hruzija, u adroźnieńnie ad Małdovy i Ukrainy, nie atrymała letam minułaha hoda.
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava6
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4444
Kamientary