Muzyka11

Niezvyčajnaja rekłama ŭ łondanskaj haziecie naviała prychilnikaŭ na dumku pra novy albom Rolling Stones

Rekłama novaj kramy pa ramoncie škła ŭ nievialikaj łondanskaj haziecie Hackney Gazette nieabaznanamu čałavieku padasca davoli tryvijalnaj.

Miku Džahieru ŭ lipieni spoŭniłasia 80 hadoŭ. Na scenie jon 65 hadoŭ, a Rolling Stones sioleta spoŭniŭsia 61 hod. Fota: Stu Forster / Getty Images

Niaŭžo Rolling Stones tolki što abviaścili pra vypusk novaha alboma? Pradstaŭniki hurta kažuć «biez kamientaroŭ», ale prychilniki, jakija čakajuć novaha alboma, hatovyja ŭhledzieć prykmiety niepaźbiežnaha jaho źjaŭleńnia ŭ čym zaŭhodna, uklučajučy hazietnyja abjavy, piša Bi-bi-si.

Rekłama novaj kramy pa ramoncie škła ŭ nievialikaj łondanskaj haziecie Hackney Gazette nieabaznanamu čałavieku padasca davoli tryvijalnaj.

«Hackney Diamonds, Specialists in Glass Repair, Opening September 2023» («Hackney Diamonds, śpiecyjalisty pa ramoncie škła, adkryćcio ŭ vieraśni 2023 hoda»), — napisana ŭ abviestcy na treciaj staroncy haziety ad 17 žniŭnia.

Dalej u rekłamie paviedamlajecca, što pradpryjemstva było zasnavana ŭ 1962 hodzie — u hod zasnavańnia Rolling Stones.

«Naša družnaja kamanda abiacaje vam zadavalnieńnie. Kali vy skažacie «Daj mnie prytułak» — my adramantujem vašy raźbityja vokny», — havorycca ŭ abjavie. Fanaty bieź ciažkaściaŭ rasšyfravali spasyłki na niekatoryja z najbolš viadomych chitoŭ hurta i vykazali zdahadku, što heta pramoŭšn 31-ha studyjnaha alboma hurta, jaki vyjdzie ŭ vieraśni.

Prychilniki znajšli šmat znajomych spasyłak na historyju, teksty i ikanahrafiju hrupy.

Na litary «i» ŭ słovie Diamonds namalavany łahatyp hrupy ŭ vyhladzie jazyka i vusnaŭ. Diamonds taksama adsyłaje da turne Rolling Stones, pryśviečanaha 60-hodździu hurta i raspačatamu letaś u Madrydzie.

U tekst rekłamy ŭklučany spasyłki jak minimum na try najbolš viadomyja chity hrupy: (I Can't Get No) Satisfaction, Gimme Shelter i Shattered.

Pa danych vydańnia NME, dla nadpisu Hackney Diamonds vykarystany toj ža šryft, što i na albomie hurta 1978 hoda Some Girls.

Rekłama nakiroŭvaje čytačoŭ na veb-sajt, dzie karystalnikam prapanujecca zarehistravacca, a ŭmovy pryvatnaści padpisany łejbłam hrupy Universal Music Group, jakaja zajmajecca vypuskam bek-katałoha Rolling Stones.

Letaś Rolling Stones adznačyli svajo 60-hodździe jeŭrapiejskim turne pa 10 krainach, uklučajučy Vialikabrytaniju.

Ich albom z novaj aryhinalnaj muzykaj stanie pieršym paśla alboma 2005 hoda «A Bigger Bang» i pieršym paśla śmierci barabanščyka Čarli Uotsa ŭ 2021 hodzie (va ŭzroście 80 hadoŭ).

Niaźmiennamu frantmienu hrupy Miku Džahieru sioleta taksama spoŭniłasia 80, Roni Vudu — 76, Kitu Ryčardsu — 79.

Kamientary1

  • Mołat
    23.08.2023
    Apošni vyjšaŭ u 2016. Blue&Lonesome. Studyjny. Tak piša brytanskaja Vikipiedyja.

Ciapier čytajuć

U biełaruskija pašparty buduć upisvać hrupu kryvi11

U biełaruskija pašparty buduć upisvać hrupu kryvi

Usie naviny →
Usie naviny

Manachiniam, jakija źbiehli z doma sastarełych u svoj manastyr, dazvolili zastacca tam pry ŭmovie, što jany pakinuć sacsietki

Unačy byŭ zakryty aeraport u Vilni 

Milicyja, BT i tysiačy botaŭ. Daśledčyki raskryli, chto i jak manipuluje biełaruskim tyktokam18

Tramp anulavaŭ bolšaść dakumientaŭ, padpisanych Džo Bajdenam11

Da 2100 hoda pałova suśvietnych plažaŭ moža źniknuć3

U Čornym mory harać užo dva tankiery z rasijskaha cieniavoha fłotu12

Z «pamiłavanaha» ksiandza Hienrycha Akałatoviča chočuć spahnać vializny štraf6

Uitkaf dajedzie da Pucina ŭ pieršaj pałovie nastupnaha tydnia4

Kala bierahoŭ Turcyi zahareŭsia tankier cieniavoha fłotu Rasii1

bolš čytanych navin
bolš łajkanych navin

U biełaruskija pašparty buduć upisvać hrupu kryvi11

U biełaruskija pašparty buduć upisvać hrupu kryvi

Hałoŭnaje
Usie naviny →

Zaŭvaha:

 

 

 

 

Zakryć Paviedamić