ISW: Minabarony Rasii sprabuje pierakłaści vinu za hibiel vajskoŭcaŭ u Makiejeŭcy na pradstaŭnikoŭ DNR
Zrujnavalny vysokadakładny ŭdar ukrainskaj sistemy HIMARS pa rasijskaj bazie ŭ Makiejeŭcy ŭ navahodniuju noč vyklikaŭ novuju chvalu krytyki ŭ adras rasijskaha vajskovaha kiraŭnictva, pišuć u čarhovaj zvodcy ekśpierty amierykanskaha Instytuta vyvučeńnia vajny (ISW).
Hienštab Ukrainy paviedamiŭ, što ŭ vyniku ŭdaru było źniščana da 10 adzinak techniki, ale nie nazvaŭ mierkavanaj kolkaści achviar. Departamient stratehičnych kamunikacyj USU raniej zajaŭlaŭ, što ŭ vyniku ŭdaru pa budynku praftechvučylišča, dzie znachodzilisia rasijskija vajskoŭcy, zahinuli 400 i paciarpieli 300 čałaviek.
Minabarony Rasii ŭ paniadziełak pryznała fakt ŭdaru i zajaviła ab hibieli 63 čałaviek.
U ISW ličać, što rasijskaje Minabarony sprabuje pierakłaści vinu za drennuju arhanizacyju zabieśpiačeńnia biaśpieki i sakretnaści apieracyj na kiraŭnikoŭ samaabvieščanaj Danieckaj Narodnaj Respubliki i samich mabilizavanych.
Pradstaŭniki «DNR» paviedamili rasijskim ŚMI, što pryčynaj udaru stała «vysokaja sotavaja aktyŭnaść vajskoŭcaŭ» (udar byŭ mierkavana naniesieny adrazu paśla apoŭnačy).
«Papiarednie, pryčynaj traplańnia HIMARS pasłužyła aktyŭnaje vykarystańnie prybyłymi vajskoŭcami mabilnych telefonaŭ. Praciŭnik z dapamohaj raźviedvalnaha kompleksu ECHELON vyjaviŭ aktyŭnaść sotavaj suviazi i miescaznachodžańnie abanientaŭ», — skazaŭ surazmoŭca ahienctva TASS.
Prakramloŭskija vydańni i niekatoryja «vajenkary» zajavili, što rasijskija vajskoŭcy nie pavinny niedaaceńvać zdolnaści Ukrainy, i zaklikali ŭvieści bolš strohija praviły vykarystańnia mabilnych telefonaŭ vajskoŭcami.
U infarmacyjnaj prastory stali hučać zakliki pakarać tych, chto vyrašyŭ vykarystać budynak PTV dla raźmiaščeńnia bazy, a taksama patrabavańni adstaŭki kiraŭnika «DNR» Dzianisa Pušylina.
Rasijskaje vajskovaje viedamstva, mahčyma, raźličvała na toje, što ŭłady «Danieckaj Narodnaj Respubliki» buduć vinavacić samich vajskoŭcaŭ u parušeńni praviłaŭ biaśpieki, kab zrabić «DNR» adkaznym bokam, robiać vysnovu ekśpierty ISW.
Ciapier čytajuć
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava6
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4444
Kamientary