Cieły zahinułych va Ukrainie biełaruskich dalnabojnikaŭ pryvieźli na radzimu. MZS Biełarusi zamoŭčvaje pryčynu ich hibieli
U paviedamleńni pra viartańnie ich cieł na radzimu ni słovam nie zhadvajecca, što jany zahinuli ad rasijskaha avijaŭdaru, jaki byŭ naniesieny, pa ŭsioj imaviernaści, z terytoryi Biełarusi. A horad u Žytomirskaj vobłaści nazyvajuć «zonaj kanfliktu», choć biełaruskija aficyjnyja asoby i ŚMI havorać vyklučna pra «śpiecapieracyju na terytoryi Danbasa».
«10 sakavika Ministerstva zamiežnych spraŭ atrymała trahičnuju infarmacyju pra hibiel va ŭkrainskim horadzie Koraścień u Žytomirskaj vobłaści dvuch biełaruskich dalnabojnikaŭ. Jany nie paśpieli pakinuć zonu kanfliktu i byli vymušanyja žyć u svaich mašynach, čakajučy mahčymaści vyjechać u Biełaruś, — havorycca ŭ paviedamleńni. — Abaviazkam biełaruskaha boku, niahledziačy na ŭsiu składanaść situacyi, było akazańnie dapamohi svajakam hetych ludziej — u viartańni na radzimu ciełaŭ svaich blizkich. Siońnia hetaja praca zavieršanaja i jany dastaŭlenyja na terytoryju Respubliki Biełaruś», — raskazaŭ Anatol Hłaz.
Mazyrčuki Ivan Rohaŭ i Dźmitryj Šylec zahinuli 10 sakavika pry bambardavańni rasijskimi vojskami horad Koraścień u Žytomirskaj vobłaści.
Čytajcie taksama:
«Adzin pamior, ale cieły tak abhareli, što nie jasna chto». Stała viadoma asoba druhoha biełaruskaha dalnabojščyka, jaki trapiŭ pad bomby
Mazyrčuk, 35 hod, haduje dačku: stała viadoma asoba pieršaha biełarusa, jaki trapiŭ pad rasijskuju bombu ŭ Koraścieni
Va Ukrainie paciarpieli dva biełaruskija dalnabojniki. Bambili z samalotaŭ, što prylacieli ź Biełarusi
Ciapier čytajuć
Žančyny ŭ achovie i braniavany kartež. Jak Ukraina arhanizavała biaśpieku vizitu Cichanoŭskaj u Kijeŭ14
Kamientary