Ivulin jašče miesiac praviadzie za kratami. SK nie chapiła troch miesiacaŭ, kab skončyć rasśledavańnie
Žurnalist Alaksandr Ivulin z pačatku lipienia ŭtrymlivajecca pad vartaj pa abvinavačvańni va ŭdziele ŭ akcyjach pratestu. Dniami śledstva praciahnuła termin u SIZA jašče na miesiac — nie paśpiavajuć skončyć rasśledavańnie.
Pa artykule, jaki viešajuć na žurnalista, trymać za kratami da suda jaho mohuć ahułam paŭhoda, to-bok da 3-ha śniežnia. Ivulinu pahražaje aryšt, abo «chimija» da 5 hod, abo pazbaŭleńnie svabody da 3 hod. Vinu jon nie pryznaje.
Alaksandra zatrymali 3-ha červienia nibyta za ściah na aknie kvatery. Pa administratyŭnym artykule jamu dali 30 sutak aryštu, ale na svabodu jon užo nie vyjšaŭ — jaho adrazu zatrymali pa kryminałcy i źmiaścili ŭ SIZA. Miesiac na Akreścina nie budzie ŭličvacca pa kryminalnym artykule.
Adznačym, što ŭ 2019 hodzie Śledčy kamitet zajaŭlaŭ, što treba pašyrać praktyku prymianieńnia alternatyŭnych mier utrymańnia: u Biełarusi kožny treci da suda siadzić u izalatary.
Ahułam za kratami znachodzicca 27 supracoŭnikaŭ niezaležnych miedyja.
Kamientary