Deputaty ŭsich uzroŭniaŭ i členy Savieta Respubliki «pryniali zvarot da mižnarodnaj supolnaści ŭ suviazi ź situacyjaj vakoł Biełarusi».
«My, deputaty i členy Savieta Respubliki Nacyjanalnaha schodu Respubliki Biełaruś — paŭnamocnyja pradstaŭniki biełaruskaha naroda, źviartajemsia da suśvietnaj supolnaści z zaklikam niepraduziata acanić situacyju, što składvajecca vakoł našaj krainy, kali pad vyhladam baraćby za demakratyčnyja kaštoŭnaści pa sutnaści majuć miesca ahresiŭny ŭsiebakovy nacisk na suvierennuju dziaržavu i jaje hramadzian, hrubaje parušeńnie bazavych pryncypaŭ mižnarodnaha prava pa nieŭmiašańni va ŭnutranyja spravy dziaržaŭ. Takija dziejańni stvarajuć realnuju pahrozu mižnarodnamu miru i biaśpiecy, parušajuć ahulnapryznanyja pałažeńni Statuta AAN, adnoj z zasnavalnic jakoj była i naša kraina, — havorycca ŭ zvarocie. — Niezaležnaść, raźvićcio čałaviečaha patencyjału, ekanamičny rost i ŭmacavańnie Biełarusi źjaŭlajucca jak vidavočnaj asnovaj dabrabytu žycharoŭ našaj krainy, tak i załoham hieapalityčnaj stabilnaści ŭ vielizarnym rehijonie, jaki źviazvaje Jeŭropu, Rasiju i Aziju», — cytuje zvarot BiełTA.
«Uvodziacca biesprecedentnyja i nieabhruntavanyja sankcyi. Absurdnymi vyhladajuć dziejańni pa pazbaŭleńni Respubliki Biełaruś pravoŭ na praviadzieńnie mižnarodnych spartyŭnych spabornictvaŭ, udzieł u tvorčych i prafiesijnych konkursach, zabarony na ažyćciaŭleńnie avijaznosin, dyskryminacyja kampanij i arhanizacyj, a ŭ rešcie rešt — zvyčajnych hramadzian našaj krainy. Biełarusy vytrymajuć hetyja vyprabavańni, tamu što nam jość što hublać.
U XX stahodździ my dvojčy adnaŭlali svaju krainu - z ruin Vialikaj Ajčynnaj vajny 1941-1945 hadoŭ i askołkaŭ razburanaha ŭ 1991 hodzie SSSR. Tamu nie tolki mocnaja dziaržaŭnaja ŭłada i mocnyja orhany pravaparadku nie dazvolili pieratvaryć Biełaruś u čarhovuju haračuju kropku na palityčnaj karcie śvietu, ale i kožny biełarus adčuvaje dačynieńnie da stvareńnia krainy, razumieje svaju adkaznaść za jaje budučyniu», — pišacca ŭ dakumiencie.
Deputaty zaklikajuć suśvietnuju supolnaść vystupić suprać nieabhruntavanaj, kontrpradukcyjnaj i dyskryminacyjnaj palityki ŭ adnosinach da Biełarusi, prajavić salidarnaść z krainaj u adstojvańni prava na suvierenitet i mirnaje žyćcio, viarnucca da adkaznaha i kanstruktyŭnaha ŭzajemadziejańnia na karyść usich krain i narodaŭ, u imia miru, biaśpieki i praćvitańnia.
Ciapier čytajuć
Dziaržaŭnyja kanały niečakana pakazali, jak vyhladajuć rezidencyi Łukašenki znutry. Raniej kamiery tudy nie traplali8
Kamientary