Čatyry ŭdzielniki vieraśniovaj akcyi ŭ Hrodnie atrymali ad 3 da 3,5 hadoŭ chimii
10 sakavika ŭ sudzie Leninskaha rajona Hrodna zaviaršyŭsia sudovy praces u dačynieńni da piaci hrodziencaŭ, jakich vinavacili adrazu pa dvuch artykułach kryminalnaha kodeksa za ŭdzieł u akcyi pratestu šostaha vieraśnia: pa art. 342 KK (Aktyŭny ŭdzieł u hrupavych dziejańniach, jakija hruba parušajuć hramadski paradak) i pa art. 364 KK (hvałt u dačynieńni da supracoŭnikaŭ milicyi), paviedamlajuć pravaabaroncy.
Na prysudzie prysutničali čatyry abvinavačanyja, pakolki piaty — Alaksandr Jakuboŭski — padčas sudovaha razhladu źnik i byŭ abvieščany ŭ vyšuk.
Prakuror patrabavała pazbavić abvinavačanych voli terminami ad 1,5 da 2,5 hadoŭ kałonii. Ale sudździa Hanna Lavusik pryznačyła bolš miakkaje pakarańnie — abmiežavańnie voli («chimija»). Jana prysudziła nastupnyja terminy «chimii»:
- Nadziei Ściepancovaj — try z pałovaj hady abmiežavańnia voli z nakiravańniem va ŭstanovu adkrytaha typu,
- jaje siastry Žańnie Zacharkievič — try hady abmiežavańnia voli z nakiravańniem va ŭstanovu adkrytaha typu,
- bratam Juryju i Uładzimiru Siedzianieŭskim — taksama pa try hady anałahičnaha pakarańnia.
Usie abvinavačanyja viny nie pryznali, prysud ličać niezakonnym i płanujuć jaho abskardžvać. Da apielacyi jany zastajucca na voli pad padpiskaj ab niavyjeździe.
Ciapier čytajuć
Žančyny ŭ achovie i braniavany kartež. Jak Ukraina arhanizavała biaśpieku vizitu Cichanoŭskaj u Kijeŭ14
Kamientary