U Estonii cyrymoniju prysiahi novaha ŭrada praviali z uzychodam sonca FOTY
Siońnia prezident Estonii Kierści Kaljułajd zaćvierdziła novy ŭrad. Cikava, što cyrymonija pačałasia ŭ 8:44 — z uzychodam sonca.
Staršynioj novaha ŭrada stała kiraŭnik Partyi reformaŭ Kaja Kałas, a ŭ składzie jaje kabinieta budzie 14 ministraŭ, piša Postimees.
Pavodle słoŭ prezidenta, ludzi raźličvajuć na toje, što dziaržava atrymaje pieramohu ŭ baraćbie z karanavirusam i pažyłyja ludzi bolš nie buduć pamirać.
Pa słovach Kaljułajd, urad taksama taksama čakajuć i inšyja vykliki — Estonija pavinna abaranić svaju lidarskuju rolu ŭ farmiravańni ličbavaha hramadstva.
Padčas uračystaj cyrymonii kandydatu ŭ ministry zamiežnaha handlu i infatechnałohij Andersu Suciu stała drenna. Jaho pravodzili ŭ prezidencki pałac.
Jak paźniej skazaŭ Suć, ź im usio ŭ paradku. «Vidavočna, va ŭsim vinavata padzieńnie cukru ŭ kryvi. Na ŭsialaki vypadak praviarajusia ŭ doktara, kab sa spakojnym sercam pryśviacić siabie pracy», — skazaŭ jon.
Cyrymonija zaćviardžeńnia ŭrada, jak vidać na fota, zaviaršyłasia harbataj i kavaj.
Siaredni zarobak u Estonii składaje, darečy, 1440 jeŭra, a minimałka — 584 jeŭra.







Kamientary