Sud u Maskvie na dva miesiacy aryštavaŭ biełaruskaha bajca-ciažkavahavika Alaksieja Kudzina. Jon byŭ zatrymany ŭčora ŭ Maskvie pa zapycie biełaruskich uładaŭ.
Čakajecca, što da 1 sakavika budzie vyrašana pytańnie ab ekstradycyi Kudzina ŭ Biełaruś.
Alaksieja Kudzina abvinavačvajuć pa artykule 363 Kryminalnaha kodeksa — «Supraciŭ supracoŭniku orhanaŭ unutranych spraŭ abo inšaj asobie, jakaja achoŭvaje hramadski paradak». Maksimalnaja sankcyja tut — da piaci hadoŭ pazbaŭleńnia voli.
Kudzin źjaŭlajecca zasłužanym majstram sportu Biełarusi, čempijonam śvietu pa tajskim boksie siarod amataraŭ, čempijonam śvietu pa kikboksinhu siarod prafiesijanałaŭ.
Kamientary