Biełaruskaja kinastužka «Voziera radaści» atrymała pieršy pryz na kinafiestyvali LA Shorts. Pra heta paviedamiŭ u fejsbuku režysior karciny Alaksiej Pałujan.
«Naša «Voziera radaści» siońnia nočču pieramahło na kinafiestyvali ŭ Łos Andžełasie! Z hetaha momantu film aficyjna kvalifikavaŭsia na Oskar-2021. Žyvie Biełaruś!» — napisaŭ jon.
Film źniaty pavodle adnajmiennaha ramana Viktara Marcinoviča.
Film atrymaŭ uznaharodu ŭ katehoryi Best of Fest, praz što aŭtamatyčna traplaje ŭ łonh-list premii «Oskar» u katehoryi «Najlepšy ihravy karotkamietražny film». Łonh-list uklučaje ŭ siabie 200 filmaŭ, ź jakich paźniej buduć adabranyja 10 naminantaŭ.
Stužka «Voziera radaści» źniata na biełaruskaj movie. Hałoŭnuju rolu dziaŭčynki Jasi, jakuju pa siužecie baćka adpraŭlaje ŭ internat, vykanała vychavanka mahiloŭskaj SOS-vioski Anastasija Plac, taksama ŭ filmie syhrali Ihar Sihaŭ, Śviatłana Anikiej, Taćciana Marchiel.
Premjera karciny ŭ svoj čas prajšła na hałoŭnym kinafiestyvali karotkamietražnaha kino — u francuzskim Klermon-Fieranie. Urešcie «Voziera radaści» atrymała ŭznaharody na festach Hrecyi, Ispanii, ZŠA dy inšych krain. U minułym hodzie film pakazvaŭsia ŭ biełaruskim prakacie.
Čytajcie taksama:
Suśvietnaja premjera filma pa knizie Marcinoviča «Voziera radaści» — na hałoŭnym mižnarodnym fiestyvali karotkaha mietra. Čamu heta praryŭ?
«Z radzimaj ja źviazany nie nitkaju, a tuhim vializnym trosam». Hutarka z režysioram «Voziera radaści» Alaksiejem Pałujanam
-
«Skončycie ŭžo hetu bojniu». Režysior Źviahincaŭ atrymaŭ Hran-pry Kanskaha fiestyvalu i źviarnuŭsia sa sceny da Pucina
-
«Spačatku žančyny»: u hetym filmie žančyny kirujuć śvietam, a mužčyny vučacca być spakuślivymi, kab zrabić karjeru
-
«Minataŭr» Andreja Źviahincava — antyvajennaja drama, jakuju stojačy vitali ŭ Kanach
Kamientary